Anekdotas del saléu nes buries agües de internete.
Anekdotas de la navegación en las borrascosas aguas de internete.

16 abril 2008

Manifiestu republicanu d'IU énte'l 14 d'abril


Énte la conmemoración del 14 d'abril del 77 Aniversariu de la Proclamación de la II República, Izquierda Unida Federal quier espresar la vixencia del pensamientu republicanu que consagraba la defensa de los drechos y valores fundamentales tovía vixentes. La II República supunxo'l turnu del pueblu. La Constitución del 31 foi'l primer ensayou europeu d'un réxime social democráticu, un testu social, progresista y avanzáu, non superáu tovía polos testos de les democracies occidentales.

El republicanismu nun ye pasáu, apaez güei como un valor social emerxente, venceyáu a la mocedá. Éstos decláranse mayoritariamente republicanos. El republicanismu ye un pensamientu políticu y una opción ideolóxica. Nun supón nenguna utopía y, poro, dende Izquierda Unida proclamamos el nuestru firme y decidíu trabayu en defensa d'una III República qu'atienda a los valores de solidaridá nel marco d'un Estáu Federal y democráticu.

La llucha pola República ye un mou de materializar el nuesu convencimientu por otru mundiu posible. El nuestru compromisu alternativu y tresformador, la nuestra voluntá de camudar esti sistema alcuentra nel republicanismu una espresión política concreta.

Miramos p'hacia'l futuru, pero tomamos lo meyor del pasáu. Na anterior llexislatura'l Parllamentu aprobó la Llei de Memoria Hestórica. A partir d'agora vamos poner tol nuesu empeñu nel so estrictu cumplimientu y en que naide desvirtúe los sos valores d'alcuentru, solidaridá y reconocimientu del trabayu de los homes y muyeres republicanos que dieron lo meyor de sí mesmos pola paz y la llibertá d'esti país.

Esti empeñu incluyirá'l trabayu y la vixilancia pa que se xestionen adecuadamente los calces llegales y xudiciales establecíos pa l'anulación efectiva de toles penes y condergues emanaes de los illegales tribunales de la dictadura.

El primer fundamentu del republicanismu ta basáu nel desenrrollu de los drechos ciudadanos básicos de Llibertá, Igualdá y Fraternidá. Llibertá dende'l conceptu de garantizar les condiciones materiales pa que la persona tenga autonomía. Igualdá dende la estensión d'esos drechos a toles persones. Fraternidá dende'l conceptu de solidaridá y concencia de clas.

Llibertá, igualdá y fraternidá constitucionalicen a les persones. Los ciudadanos yá nun pueden ser mercantilizaos. El republicanismu democráticu significa universalizar pa toos la llibertá.

El so segundu fundamentu consiste n'apostar por un orde social dependiente de la responsabilidá ciudadana. Debemos afrontar el secuestru de lo político nel actual sistema de representación. Debemos afrontar la fractura ente representantes y representaos. Un sistema realmente democráticu debe dotase d'una Llei Electoral proporcional y xusta que faiga valir na práctica'l principiu irrenunciable d'un home, una muyer, un votu'.

El republicanismu cívicu, con gran tradición política, enllaza colo más innovador de la nuesa sociedá actual: la impugnación al nuestru actual modelu social. Por ello, ye preciso establecer un nuevu renacimientu de la democracia. Un nuevu renacimientu que tien como fin la repolitización de la sociedá.

Apostamos pol republicanismu como compromisu éticu pol interés de toos: la virtú cívica, el drechu y deber de tar informáu, la tolerancia, el respetu a la pluralidá y la confianza na acción colectiva pa cammudar les coses.

Madrid, 14 d'abril 2008 Coordinación Executiva de Modelu d'Estáu Secretaría de Llibertaes y Aición Republicana

Publicar un comentario
 
inicio